عنبة مدافعًا عن عصام صاصا: "مبيدوسش الناس بفلوسه.. وفي ناس هدفها التريند"

حرص مطرب المهرجانات عنبة على الدفاع عن زميله عصام صاصا بعد إتهامه بدهس شخص أعلى كوبري دائي المنيب.

عنبة يدافع عن عصام صاصا 

ونشر عنبة ڤيديو عبر خاصية الرسائل القصيرة على موقع التواصل الاجتماعي انستجرام قال فيه:"أول حاجة إنا لله وإنا إليه راجعون، أنا طالع بقدم خالص التعازي لأسرة ضحية حادث عصام صاصا ربنا يرحمه ويصربكم، أنا حاسس بيكم أنا بنت عمي توفت من 4 سنين أو أكتر وهي في زهرة شبابها على طريق وهي بتعدي العربية خبطتها وجريت  ومحدش قدر يوقف العربية".

 وأضاف: "عارف أن مفيش فلوس في الدنيا تعوض ابنكم سيبكم من الكلام اللي بيتقال أنا مش بلومكم في حاجة، ربنا يصبر قلوبكوا، أكيد ده موقف صعب للطرفين، هنا إنتوا متدمرين نفسيا وهو متدمر نفسيا، اللي عايز أقوله هو مش بيخبط أي حد ولا بيدوس على الناس بفلوسه، بلاش حد يفهمكم حاجة عن الراجل اللي إنتوا مش شايفين حالته بسبب الحادث ده إيه".

عنبة يهاجم بعض مستخدمي مواقع التواصل

 وتابع:" الله يرحم الشخص اللي اتوفى وبس  كنا طالع أقول للناس كفاية بقى، الناس على النت مهتمة  باللي عمل الحادثة وعمالين يقطعوا فيه ومحدش مهتم حتى يدعي للراجل ده، عصام صاصا اسمه استغل أكبر استغلال وناس مش هاممها إلا  الترند وبس أبوس إيديكم يا تعزوا الناس يا تخرسوا".

اقرأ أيضاً:مع رجل المستحيل.. أحمد سعد يوجه رسالة للمستشار تركي آل الشيخ