"بيعيط ولسه نتيجة التحاليل مظهرتش".. زوجة عصام صاصا تكشف سبب عدم ظهوره بعد حادث الدائري

كشفت جهاد ماهر زوجة مطرب المهرجانات عصام صاصا، عن سبب عدم ظهوره للإعلام حتى الآن للحديث عن أزمته الأخيرة، مؤكدة أنه لا يستطيع أن يظهر لجمهوره ويكشف تفاصيل حادث دهسه أحد الأشخاص بسبب الأذى النفسي الذي يعيشه.

كتبت زوجة عصام صاصا عبر حسابها على انستجرام: “جوزي تعبان وكل ما ييجي يتكلم مع حد يفتكر الموقف ويعيط، ومش لازم بقى يطلع يقول لكم شوفوني يا جماعة أنا مكسور إزاي ومتدمر، وعيب اللي بتعملوه ده وربنا ما يحطكم في اللي هو فيه”.

تصريحات زوجة عصام صاصا

وتابعت زوجة عصام صاصا: “ممكن تبطلوا قرف عصام مخدش 7 سنين ومفيش حكم أصلًا، بتقولوا عصام كان شارب معرفش إيه، ولحد دلوقتي نتيجة التحاليل مظهرتش وحاسة أن شوية وهتقولوا عليه إرهابي وسارق فلوس الناس، ولا علشان إحنا مش بنرد فأنتم هتسوقوا فيها، وما تقلقوش هانت وكل واحد عمل فيلم  ما يزعلش والحساب يجمع”.

وأضافت: “مرة من 4 سنين وقعنا في مشكلة كنت أنا وعصام لوحدنا وعشنا أيام وحشة، ومحدش كان بينصحني ولا حد كان واقف معانا بس بعدها لما صبرنا ربنا عوضنا عوض كبير أوي في الرزق وحي الناس والشغل، دلوقتي في عز كسرتي واثقة في قضاء ربنا، وعارفة إن ده امتحان ودرس من عند ربنا وعلى قد ما هنصبر على قد ما هتفرج”.

اقرأ أيضًا: "اتهدوا قرفتونا".. إسعاد يونس توجه رسالة لـ ياسمين عبد العزيز وأحمد العوضي