زوجة عصام صاصا: هدافع عن جوزي وهو أكتر واحد بيحس بالناس
دافعت جهاد أحمد زوجة مغني المهرجانات عصام صاصا عن زوجها بعد اتهامه بدهس شخص أعلى كوبري دائري المنيب، موضحة أن زوجها يعاني من حالة نفسية سيئة بسبب ماحدث.
زوجة عصام صاصا تدافع عنه
كتبت جهاد أحمد عبر خاصية الإستوري على صفحتها الشخصية على انستجرام:"عصام أكثر شخص عمره ما بيرد على كلام الناس، بس الطرف الثاني ربنا يصبرهم يا رب ويهون عليهم ، الإعلام استغلهم وخلاهم يطلعوا يكلموا في وقت المفروض حد يقف جنبهم ويصبرهم، وخلاهم يكلموا وهما أصلا مكنوش في الواقعة، بيقولوا إن أخوهم كان واقف على رصيف غلط الكلام ده غلط ومن أول يوم وعصام قال أقواله في النيابة إن الراجل ظهر في نص الطريق".
وتابعت:" بم أن القضية بقت رأي عام وعصام كل دا مطلعش رد عشان الحالة اللي هو فيها متسمحش، بس التجريح والإشاعات كترت وإحنا لينا الحق الرد، ولازم تسمعوا الحادثة من الطرفين قبل ما تحكموا، النهاردة أنا هطلع أدافع عن جوزي، وفي شهود في الحادثة هيطلعوا ويتكلموا، لأن الظلم حرام أنا جوزي مش بيدوس على ناس بفلوسه، أنا جوزي اللي كنت بتقولوا عليه سواق توك توك جابها من تحت الصفر، برضه أحن قلب وأكثر واحد بيحس بالناس وانا مش هسمح أن أي كلمة غلط تتقال عليه تاني".
اقرأ أيضاً:أنتِ مفتاح الحياة.. أصالة توجه رسالة دعم للسيدات في يوم المرأة العالمي
