منى عبد الغني: مندمتش على ارتداء الحجاب وأتمنى أكون قدوة حسنة
أكدت الفنانة منى عبد الغني أنها سعيدة بقرارها بارتداء الحجاب، موضحة أنها لم تندم عليه بالرغم من تعرضها لكثير من المغريات.
تصريحات منى عبد الغني
وقالت منى عبد الغني خلال حلولها ضيفة ببرنامج " آخر النهار" المذاع عبر قناة النهار :"لما أخويا اتوفى قررت أني أوقف وقتها كل شيء، وأني لازم أستعد للقاء ربنا بشكل كبير ، وقولت لازم أكون جاهزة للقاء ربنا في أي لحظة، ولبست الحجاب بعد مجموعة تراكمات قديمة، والواعي اللي عنده عقل لما بتجيله فرصة الالتزام لازم يستغلها لأنه ممكن متجيش الفرصة دي تاني، وخدت قراري وعمري ما ندمت وبسأل ربنا أنه يثبتي".
منى عبد الغني تتحدث عن الحجاب
وأضافت:"أتمنى إني أكون قدوة حسنة، وبدعي طول الوقت إن ربنا يسخرني للخير حتى لو بنهزر، لازم تكون كل حاجة تليق بالمشاهد اللي بيتفرج علينا، والتريند ممكن يوصل بالصدق وبأدب ، والمهمة هتحسب في ميزان حسناتك ولا سيئات، مش بالتريند".
وقامت منى عبد الغني بقراءة بعض آيات القرآن الكريم، حيث رتبت مجموعة من آيات سورة البقرة.
اقرأ أيضاً:مع رجل المستحيل.. أحمد سعد يوجه رسالة للمستشار تركي آل الشيخ
