السيسي: ندرس طرق جديدة لتقليل الفاقد من المياه المستخدمة في ري المحاصيل
هنأ الرئيس عبد الفتاح السيسي، المهندس محمد جمال غريب، رئيس مجلس إدارة شركة مودرن فارمينج للاستثمار الزراعي، على تجربته في زراعة منطقة وادي الشيخ في مركز البداري بمحافظة أسيوط، حيث قال: «من المهم الناس تعرف النماذج دي، والمزارعين في الدلتا والصعيد لما يسمعوا الكلام ده، من المهم يعرفوا ازاي يصلوا بالكمية دي، لأن الموضوع مش استخدام ميكنة فقط ولكن استخدام وسائل علمية».
الرئيس السيسي
وأضاف الرئيس السيسي أثناء كلمته في مؤتمر افتتاح عدد من المشروعات التنموية في جنوب الوادي، المُذاع عبر إكسترا نيوز : « ومن المهم وإحنا ننتكلم في المشاريع دي الناس بتقول الأرقام اللي بتقولوها تكلفتها كتير، تكلفتها كتير أوي وده صحيح لأن بنعمل كل حاجة مرة واحدة».
الرئيس السيسي اليوم
وتابع: «الدلتا اتعملت على مدار 150 أو 200 سنة، شقيت طريق ودخلت كهربا وعملت شبكة ترع ومصارف وخدت منك سنين طويلة، فأنت بتعمل ده كله مرة واحدة، وحق المشروع علينا قبل حق بلدنا علينا إننا نطلع أكبر حجم».
كلمة الرئيس السيسي
كما أضاف، إنَّنا ندرس في الوقت الحالي، طرق جديدة لتقليل الفاقد من المياه المستخدمة في ري المحاصيل الزراعية، عبر الاستفادة من التكنولوجيا والعلم، فضلا عن زراعة محاصيل جديدة، ضاربا المثل على ذلك، بزراعة التين الشوكي.
كلمة الرئيس السيسي اليوم
وفي سياق متصل، تابع الرئيس السيسي : «سألنا التين الشوكي بياخد كام ريه؟ وهل ممكن تخصيص ري بكميات أقل من المياه؟ لأني عايز إنتاجية للمحاصيل بأقل كميات مياه، وهذا النبات ينمو بكميات شحيحة من المياه، ولديه قدرة على تحمل درجات الحرارة والملوحة، وطبيعة الأراضي الصحراوية».
اقرأ أيضًا:
