عايدة رياض: المرض قربني من ربنا وعرفت إن مفيش حاجة تستاهل

حلت الفنانة عايدة رياض ضيفة في برنامج الستات المذاع عبر قناة النهار، حيث كشفت عن تفاصيل معاناتها مع مرض السرطان، وسبب توقفها عن الرقص فى الفنادق.

تحدثت عايدة رياض عن سبب توقفها عن الرقص فى الفنادق، قائلة، إن رغم حبها وإتقانها للرقص الشرقى، إلا أنها كانت لا تستطيع الخوض فى صراعات عائلية ولم تكن مجهزة نفسيا لذلك، موضحة: "كنت هدخل في خلافات مع عائلتي، وأنا مكنتش ناقصة خلافات".

تصريحات عايدة رياض

كما روت عايدة رياض تفاصيل إصابتها بمرض السرطان وصراعها معه، قائلة:" صعب أشرح أحاسيسي وقتها ولكن اتخضيت  وما أعلنتش إلا بعد 3 سنين كنت فاكرة إني هتكل على الله وكنت في حالة رعب، لكن ربنا بيدي البلاء ويدينا حاجات حلوة مش عارفين قيمتها، زى السكينة ونسيان أو القناعة وعزة النفس حاجات مش إحنا اللي بنصنعها كل واحد بيدي له حاجات جميلة مش بنقدرها". 
وأضافت عايدة رياض: "ساعة المرض الواحد بيقرب لربنا، وطول الوقت موجود جوايا إن فيه ربنا ولكن لما تدخل في محنة بتتقرب أكتر من ربنا، والمرض عرفني إن مفيش أي حاجة في الحياة تستاهل، وكنت بحس إن ربنا إداني كتير بعد ما انفصلت اشتغلت وعملت نفسي، ركزت على نفسي وما بقتش محتاجة لأي حد ولما تعبت مبقتش محتاجة لحد".