إلهام شاهين: "أتمنى نوثق حياتنا لإننا لما نموت محدش هيلم ورانا"

تحدثت الفنانة إلهام شاهين على هامش حضورها ملتقى أرشفة الأعمال الفنية وذكريات الفنانين، عن أمنيتها بتوثيق حياة الفنانين، بسبب الهجوم المستمر على الفن في الفترة الأخيرة.

قالت إلهام شاهين: “نفسي نوثق حياتنا لإن لما نموت محدش هيلم ورانا، وبقى فيه هجوم كبير أوي على الفن وبقى في حته نفسية مش مظبوطة، يمكن يكون في بعض التصرفات والإعلام بياخد الفساتين ومبياخدوش التاريخ واحنا دورنا نركز عليه”.

ملتقى أرشفة الأعمال الفنية وذكريات الفنانين

وتابعت إلهام شاهين: “بقرأ تفاهات على السوشيال ميديا للجمهور وكنت في مهرجان ورايحة لفيلم بطولة محمود حميدة، وطلعت مع الفيلم ورئيسة المهرجان قابلتني قولتلها انتوا بتقبلوا كل يوم اللي جاي قالتلي ده في رئيس هيجيلك، ورئيس المهرجان استناني عشان أقابل الرئيس طلعت لقيت قاعة وفي ناس كتيرة وقام مفتي روسيا والصالة كلها سقفت لمصر فين الكلام ده متوثقش ليه؟”.

واختتمت إلهام شاهين حديثها، قائلة: “الصحافة بتدور على أة حاجه خايبة تقولها عننا ووصلت لقيت رئيس الدولة مستنيني بنفسه، وقالي المفتي حكالي عنك وإنك عملتي إيه بموقفك تجاه الإخوان وإنتي ليكي اليد الكبرى اللي خلت ناس كتير تتكلم وكلامي عن مرسي عملي مشاكل لحد دلوقتي إني وقفت ضد الإخوان”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة