عباس أبو الحسن: الكتابة بالنسبالى علاج وممكن أتجوز لثالث مرة
حل الفنان والسيناريست عباس أبو الحسن ضيف فى برنامج أسرار النجوم التى تقدمه المذيعة إنجى على فى راديو "نجوم إف إم"، وكشف تفاصيل إصابته بالأكتئاب بالإضافة إلى إمكامية زواجة مرة آخرى.
تصريحات عباس أبو الحسن
كشف عباس أبو الحسن أثناء لقائه عن تفاصيل إكتئابه قائلًا: "مريت بمرحلة إكتئاب بسبب رفض الأعمال اللى كنت بكتبها، وسعتها بقيت أحس إنى مش متحكم فى قدرى وخصوصًا أن الكتابة بتتطلب هدوء ووحدة بشكل مرعب، ولحد دلوقتى محدش عارف الجمهور عايز إيه أو الأعمال بتنجح ليه، وإلا كنا كلنا نجحنا".
وتابع عباس أبو الحسن قائلًا: " الفن بينبع من الألم، وهو اللى بيطلع الإبداع ولو الطاقة دى متطلعتش فى عمل فنى هتدمر الفنان، فالكتابة بالنسبالى علاج بتخلينى أحس إنى موجود فى الحياة، وأنا بجاهد عشان أحافظ على موهبتى".
ومن جانب آخر تحدث عباس أبو الحسن عن إمكانية زواجه مرة آخرى قائلًا:" أنا اتجوزت مرتين وممكن أتجوز الثالثة، لأنى أتغيرت وكبرت مبقتش أنانى، بقيت متعاطف مع الناس ومش بحكم عليهم بسرعة، لكن فكرة الجواز نفسها مش سهلة هى خطوة صعبة محتاجة تفكير كتير لأن الإنجذاب بيروح مع الوقت، فلازم أكون حابب وعارف ومتقبل أنا مقبل على إيه".
آخر أعمال عباس أبو الحسن
شارك عباس فى العديد من الأعمال الفنية التى حققت نجاح كبير، ويعتبر آخر أعماله هو فيلم "أشباح فى أوروبا" وشارك معه فنانين وهم: " أحمد الفيشاوى، باسم سمرة، هيفاء وهبى" وغيرهم الكثير من الفنانين.
