مش هنشتغل في رمضان.. جمال العدل يكشف حقيقة خلافه مع نيللي كريم ويسرا

كشف المنتج جمال العدل عن حقيقة خلافه مع الفنانة نيللي كريم بسبب فيلم "ع الزيرو" وعدم حضورها العرض الخاص، كما تحدث عن الفيلم وإيراداته، إلى جانب رأيه في مسلسل 1000 حمد لله على السلامة.

تحدث المنتج جمال العدل خلال لقاءه في برنامج "et بالعربي" عن حقيقة الخلاف بينه وبين نيللي كريم، قائلًا: "نيللي كريم مقالتش إنها زعلانة مني ولو عن غيابها عن العرض الخاص لفيلم ع الزيرو اللي أعرفه إنها كانت مسافرة، لكن علاقتي بيها كويسة جدًا بس مفيش تواصل حاليًا ممكن بسبب السفر".

حقيقة خلاف جمال العدل مع نيللي كريم

أما عن عدم ترويجها لفيلم "ع الزيرو" عبر حساباتها على مواقع التواصل الإجتماعي، أضاف: "أنا مخدتش بالي لكن في الشركة هما اللي قالولي وهى براحتها يعني لو كانت روجت للفيلم كان هيجيب إيرادات أعلى؟".

وتابع: "لو هى زعلانة عشان البوستر فهى متصورة مع محمد فراج في بوستر فيلم فوى فوى فوى وهى وراه زى أى ممثل صغير مع إنه لما طلب يتصور معاها على بوستر ضد الكسر أنا قولتله لا هى أكبر منك بكتير، يبقى أكيد مش هتزعل دلوقتي لما تتصور ورا رمضان يعني وهو راسه أعلى من راسها شوية".

جمال العدل يتحدث عن إيرادات فيلم ع الزيرو

وتحدث عن إيرادات فيلم "ع الزيرو"، قائلًا: "أكيد وقت عرض الفيلم ظلمه لو كنا عرضنا في العيد كان الموضوع هيفرق أكيد بس إحنا ملحقناش مش خوفنا زى ما الناس قالت، ولو على المنافسة مع هنيدي الفيلمين كانوا قريبين من بعض جدًا في الإيرادات".

وعن عمله في موسم رمضان القادم، قال: "أنا متفق مع نيللي كريم من قبل رمضان بشهرين وقبل عرض مسلسل عملة نادرة إننا مش هنشتغل مسلسلات في رمضان تاني مع بعض، وأنا مش هعمل مسلسلات 30 حلقة تاني".

أما عن رأيه في مسلسل 1000 حمد لله على السلامة، قال: "المسلسل ده كان ليه ظروف خاصة لأنه اتعمل في وقت ضيق جدًا، أنا شخصيًا معجبنيش ونوع الكوميديا ده مش بحبه، أنا بحب كوميديا الموقف زى مسلسل بـ 100 وش".