مدير أعمال تامر حسني بعد تعرضه لحادث سير: «مفيش ولا Airbag فتحت ومش هسيب حقي»
تعرض تامر يحيى مدير أعمال تامر حسني، لحادث سيارة أدى إلى تحطم سيارته، حيث نشر على موقع التواصل الاجتماعي «فيس بوك» صورًا للحادث.
تعرض تامر يحيى مدير أعمال تامر حسني لحادث سير
وعلق تامر يحيى على الحادث قائلًا: «مافيش كلام ينفع يتقال غير الحمد لله وبشكرك يارب على كل حال وفي كل حال ومن أجل كل حال وعلى كل تجربة صعبة أنت بتحطني فيها علشان تفكرني دائمًا بوجودك في حياتي وبتكون رسالة سواء أنت بتحبني وبتفديني من حاجة أكبر كان ممكن تحصل ليا أو لحد غالي عندي أو بتكون عايز تفكرني أنا فيه خطأ في حياتي محتاج انتبه ليه وأصلحه والحمد لله أنا عندي إيمان شديد بتجارب ربنا ونعمة الكبيرة في حياتي».
وكشف تامر يحيى مدير أعمال تامر حسني تفاصيل الحادث قائلًا: «أنا ومحمد السواق الجميل اللي معايا ربنا نجانا من الموت امبارح في حادثة من أكبر الحوادث اللي عملتها في حياتي واحنا راجعين من العلمين الساعة 1.30 ظهرًا فجأة ظهرت عربية نقل قدامه واقفة في نص طريق وادي النطرون في الحارة الثالثة وهو كان قبلها بثواني بيحاول يشغل حاجة في الشاشة اللي قدامه فـ مكانش في كامل تركيزه على الطريق وما قدرش يتفاداها».
واستطرد حديثه قائلًا: «العربية هربت من موقع الحادث بسرعة علشان عارف طبعا إنه غلطان وأنا ومحمد مقدرناش ننزل من العربية غير بعد تقريبا ربع ساعة علشان الدم كان مغرق العربية والمشكلة اللي عقلي مش قادر يستوعبها إنه إزاي مفيش ولا air bag فتحت؟ أنا مش هقدر أعدي الموضوع ده من غير ما ألاقي إجابة فنية ليه لأني لو عرفت إنه ده خطأ فني في اللي برمج السوفت وير أو ركب السينسورز أنا مش هسيبه إلا لما أسجنه لأن كانت حياتي هتنتهي أو أعيش بتشوهات في وشي طول عمري بسبب عدم فتح أي air bag».
