الرئيس السيسي: قطر أنفقت 300 مليار دولار قبل كأس العالم علشان تبقى دولة
حضر رئيس الجمهورية، عبد الفتاح السيسي، اليوم الأحد، جلسة «المشروعات القومية والبنية التحتية»، والتي تعتبر ضمن جلسات اليوم الثاني من مؤتمر «حكاية وطن بين الرؤية والإنجاز»، وذلك بوجود نخبة من مسؤولي الدولة ومختلف الوزراء.
نفقات تقدم الدولة
وقال الرئيس السيسي: «10 تريليونات على الأسعار الحالية تساوي 300 مليار دولار، ومن حوالي عام ونصف كان كأس العالم في قطر والإعلاميين عندنا قعدوا يهاجموا إزاي يتم إنفاق 300 مليار دولار على إعداد الدولة وتحويل قطر من حالة لحالة، مستغلين فرصة كأس العالم، قولتلهم بتقولوا كدا ليه ده هو ده الرقم اللي بيتصرف على دولة علشان تجهز نفسها وتبقى دولة تتقدم وتستفيد من إمكانياتها».
الرئيس السيسي: إحنا صرفنا 10 تريليون جنيه في رحلة التنمية
واستطرد الرئيس السيسي حديثه: «بدل ما تهاجموا افهموا، الوعي والصدق والفهم هو الأهم، وإحنا صرفنا 10 تريليونات جنيه بس في رحلة التنمية علشان الشركات اللي بتنفذ شركات مصر ولو دي شركات أجنبية الرقم ده على الأقل يتضرب في 3 ولكن من كرم ربنا أنه اللي عملناه اتعمل بشركات مصرية بالكامل».