السيسي للمواطنين:"إحنا بنقول للناس ثقوا في أنفسكم مش فينا.. وفيه أمل"
واصلت فعاليات مؤتمر حكاية وطن انطلاقها منذ قليل، حيث وجه الرئيس عبد الفتاح السيسي، رئيس الجمهورية، حديثه إلى الدكتور السيد القصير، وزير الزراعة واستصلاح الأراضي، قائلًا: «لو أنت جبت الأفلام الخاصة بشق الترع والمصارف ومحطات معالجة المياه ومحطات الرفع، وحطيتها جنب بعضها، هتلاقي العرض بتاعك في حتة تانية خالص».
مؤتمر حكاية وطن
وتابع الرئيس السيسي أثناء كلمته في جلسة الأمن الغذائي في مؤتمر حكاية وطن : «احنا بنقول للناس ثقوا في أنفسكم مش فينا، وبنقول للناس فيه أمل، مش احنا أصحاب الأمل، لكن أنتم أصحاب الأمل، وبنقولهم ده اللي اتعمل في خلال ال4 سنوات اللي فاتت بالكتير، مش من أول ما بدأنا».
كلمة الرئيس السيسي اليوم
وأضاف الرئيس عبد الفتاح السيسي : «إحنا كنا بنتكلم عن 250 ألف فدان، كانوا بيتم فيهم إلقاء الصرف الزراعي، وبالتالي ده كان الحال، والثروة السمكية كانت تتزرع في الـ 250 ألف فدان أو في البحيرة وتراجعت بشكل كبير»، مضيفًا : «بقالنا 5 سنين شغالين نكرك ونشيل تعديات تكونت على مدار سنوات عشان تعود مرة تانية الحياة لبحيرة المنزلة، وتنتج أصناف أسماك تلاشت منها خلال السنين اللي فاتت عشان تدخل الإنتاج لـ 250 ألف فدان».
كلمة الرئيس السيسي في مؤتمر حكاية وطن
وتابع السيسي : «أنا عاوز أقولكم وأقول للناس اللي هناك، ولأي حد بيتشغل في الموضوع، الـ 250 ألف فدان عبارة عن مزرعة صناعية طبيعية لو أنتم أحسنتم استخدامها ونظمتم بقوة الصيد فيها هي والبردويل والبرلس وإدكو وبحيرة ناصر، إنتاجك هيزيد مرتين تلاتة أربعة تبقى بتكفي وزيادة، وهندي فرص عمل تكسب منها».
كلمة الرئيس السيسي
وفي خضم حديث الرئيس السيسي عن تطوير البحيرات في جميع أنحاء محافظات مصر، أردف: «إذا مكناش نتفهم يعني إي بحيرة نقية وتنظم الصيد فيها ولا يسمح باستخدام وسائل ممنوعة في الصيد ثم فترة الإيقاف التلاتة أو الأربع شهور اللي بيتموا نلتزم بيهم».
فعاليات مؤتمر حكاية وطن
واستطرد قائلًا : « وقولتكم مرة قولوا للناس اللي بتصطاد هما كام؟ كام واحد؟ 50 ألف؟ 100 ألف؟ ولو ادينا أثناء فترة التوقف دعم مؤقت أو دعم 1000 أو 2000 جنيه كل شهر لمدة الـ 4 شهور عشان نعمل إغلاق كامل للبحيرة عشان الإنتاج والاستزراع اللي بيتم أو الراحة البيولوجية تكون حققت النتيجة».
كلمة الرئيس عبد الفتاح السيسي
وتابع : «أنتم هتجدوا وهما هيجدوا بدل ما بيطلع له 10 أو 12 كيلو في اليوم ممكن الرقم ده يتضاعف مرة واتنين وتلاتة، وبالتالي العائد بتاعه مش هيبقى على أد الـ 10 أو الـ 12 كيلو، وده مش موجود».