كريم عبد العزيز: "جالي 9 جلطات والدكتور قالي هتموت"
تحدث الفنان كريم عبد العزيز عن تفاصيل أزمته الصحية التي أصيب بها قبل عدة سنوات، حيث أصيب بعدد 9 جلطات في الرئة، مشيرًا إلى أنه فوجئ بهذا الأمر.
قال كريم عبد العزيز خلال لقاءه مع محمود سعد في برنامج sold out: "أنا كنت رايح أعمل عملية لوالدتي في لندن، وهناك اتفاجئت بألم صعب ومش طبيعي في صدري، في الأول افتكرته برد، رحت عملت أشعة ومشيت من المستشفى، وتاني يوم جه رسايل لزوجتي من الدكتورة إنها عايزة تقابلني فورًا".
إصابة كريم عبد العزيز بجلطات في الرئة
وأضاف كريم عبد العزيز: "رحت المستشفى الدكتورة قالتلي إنت هتموت، إنت عندك 9 جلطات في الرئة، ازاي واقف على رجلك لحد دلوقتي اندهشت جدًا، وبعدها أول حاجة طلبتها أني أشوف ولادي، قعدت في المستشفى أربعة أيام في العناية المركزة".
وأضاف كريم عبد العزيز: "أكتر حاجة كنت مركزي فيها هما أولادي، وطلبت أشوف دكتور تاني، وأكد لي إني مصاب بـ 9 جلطات بالرئة، وسألني: انت شغال إيه؟، قولتله: ممثل، وخرجني بعد ما اتفقنا على الالتزام بالأدوية وحقن سيولة، مفيش سجاير ولا ضغط.. وعملت كل ده في لندن، وانتهت الأزمة الطبية الحمد لله».
