بعد حذف أغنية يمكن خير.. صلح رامي صبري وعمرو مصطفى بهذه الطريقة

انتهى الخلاف بين الفنان عمرو مصطفى والفنان رامي صبري، بعد العديد من الاتهامات بينهما بالسرقة وتبادل التصريحات في البرامج التليفزيونية، وبعد حذف أغنية يمكن خير من على "يوتيوب".

دخل رامي صبري في مداخلة هاتفية في برنامج "أجمد سبعة" أثناء استضافة الفنان عمرو مصطفى، قائلًا: "نفتخر بوجودك في الوسط لكن مينفعش تختلف بطريقتك دي مينفعش تطلع تقول إني سرقت، أنا دايمًا بدافع عنك يا عمرو، وبقول إنك أطيب واحد في الدنيا ولحد امبارح بدافع عنك رغم وقف أغنيتي".

صلح عمرو مصطفى ورامي صبري

فرد عليه الفنان عمرو مصطفى: "أنا بعتذرلك يا رامي بس انت المفروض كنت تكتب إن الأغنية لحن عمرو مصطفى ورامي صبري، أنا أكتر واحد بدافع عنك وحصل خير ومتفرحش الناس فينا، الأغنية هترجع وخلاص لأني بحبه وبحب كل الفنانين، اقفل الموضوع لإن بعد ما نقفل هنلاقي لجان داخله من هنا ومن هنا".

ورد رامي: "سيبك من اللجان وخلينا نشتغل ونعمل شغل يبسط الجمهور، أنا عايز مصلحتك والله وياريت لو نشتغل مع بعض، نص تاريخ عمرو دياب ومحمد حماقي عند عمرو مصطفى، لازم ترجع تشتغل مع الناس دي".