حورية فرغلي تتبرع بأرباح مشروعها الخاص لأهالي غزة

أعلنت الفنانة حورية فرغلي عن تبرعها بكامل أرباح مشورعها الخاص لدعم أهالي غزة الشقيقة، وذلك تضامنًا معهم لما يحدث لهم من قصف بسبب الاحتلال الإسرائيلي.

نشرت حورية فرغلي فيديو عبر صفحتها الرسمية على موقع فيسبوك قائلة: "استنوني يوم الخميس 26 أكتوبر في ستار بازار في الرحاب في السوق الشرقي، مع ولاء أبو الخير، وسعيدة جدًا أني هكون موجودة هناك، لأن كل الأرباح هتروح لأهالي غزة".

تصريحات حورية فرغلي

وتضامنًا مع الأحداث الجارية في غزة نشرت حورية فرغلي قائلة: "أنا بعمل الفيديو ده تضامن مع شعب فلسطين الحبيب، وقلبي كله حزن وبيتقطع من اللي بشوفه.. يارب فك كربهم وينصر أهلنا في فلسطين".

وأضافت حورية فرغلي قائلة: "الأطفال اللي بيموتوا ملهمش ذنب في حاجة، والناس مش ذنبها حاجة اللي بتروح ضحايا من غير ما تعمل حاجة، معقولة الناس تروح ضحايا حد عمل غلط، لكن هما ذنبهن إيه الناس دي تموت كده، يعني أنتوا بتحسبوا شعب بسبب فئة غلطت حرام الناس اللي بتموت دي يا جماعة".

وتابعت حورية فرغلي قائلة: "أنا ماليش في السياسة خالص، ولا بحب أتكلم فيها بس والله العظيم لأول مرة، لازم جامعة الدول تتكلم وتعمل حاجة، ده واحد بيحاسب البلد كلها، وحرام الأطفال اللي بتموت اللي مش ذنبها أنها جت الدنيا، تخرج وتدخل الدنيا بمزجنا احنا!!، بصراحة أنا حزينة جدًا وبشوف الفيديوهات قلبي بيتقطع، وساعات مش بقدر أكملها، بس لازم يكون في حل، لازم الناس اللي تقدر تحل تحل بجد حرام اللي بيحصل ده، أنا بدعي ربنا أن الموضوع ده يخلص".