ويجز يشارك في مظاهرة أمريكية تدين الإحتلال الإسرائيلي في غزة

شارك الرابر الشهير ويجز في إحدى المظاهرات التي تدين الاحتلال الإسرائيلي، وما تحدثه من خراب على غزة، وذلك في نيويورك بالولايات المتحدة الأمريكية.

نشر ويجز فيديو عبر صفحته الرسمية على موقع انستجرام، ينقل به أجواء المظاهرة معلقًا: "احنا لسة نازلين الشارع في أمريكا، نيويورك سيتي قافلين محطة مترو كبيرة وكل الناس جوا، والضباط جايبين 90 ألف عربية ومنعوا الناس تدخل عشان بقيت زحمة أوي".

ويجز

واضاف ويجز قائلًا: "المظاهرة دي معمولة عشان اليهود اللي عايشين في نيويورك، طالعين يقولوا مش عايزين المجزرة اللي بتحصل تبقى باسمهم، والناس دي عايزة تبرأ نفسها، وتقول أنها ملهاش دعوة باللي إسرائيل بتعمله".

وتابع ويجز قائلًا: " دي بداية حلوة، وأنا مبسوط أني في الجزء ده من العالم، وأني شايف ده بيحصل قدامي، وأتمنى الناس تفوق".

كما أحيا ويجز مؤخرًا حفل غنائي في كندا، وأثناء الحفل قام بالهتاف لفلسطين بالحرية، وطلب من جمهوره أيضًا فتح بث مباشر خلال الحفل على مواقع التواصل الإجتماعي والهتاف بحرية فلسطين.