أحمد أمين: نفسي أقدم شخصية محمد فوزي وأنا وأكرم حسني بنفهم بعض على طول

حل الفنان أحمد أمين ضيفًا في برنامج أضا أخف من أضا على محطة راديو إنرجي 92.1، وتحدث خلال الحلقة عن مسلسله الأخير الصفارة، واستعاده لتقديم الجزء الثاني من ما وراء الطبيعة، كما أشاد بعدد من الفنانين، مثل: أكرم حسني، طه دسوقي.

أبرز تصريحات أحمد أمين 

-هعمل جزء ثاني من الصفارة لو لقيت فكرة أقوى وده مش هيبقى السنة الجاية. 

- أنا جاهز للجزء الثاني من ما وراء الطبيعة لكنه قرار يرجع لجهة الإنتاج.

- بحضر حاليًا لتجربة مسرحية ارتجالية مفيهاش ولا كلمة مكتوبة مع عدد من الشباب.

- الصفارة كان هيتقدم على 30 حلقة لكن فريق العمل قرر تكثيف القصص في 15 حلقة فقط.

- فيه قصص وشخصيات تانية في مسلسل الصفارة متعملتش زى قصة إني بصحى ألاقي نفسي متجوز تلاتة.

- أنا وأكرم حسني بنفهم بعض من البصه وبيننا عشرة ربنا يديمها. 

- نفسي أقدم شخصية الموسيقار محمد فوزي.

- طه دسوقي عنده كاريزما وقبول كبير جدًا.

- اشتغلت في تصميم بوستر فيلم أفريكانو وكنت ديزاينر في بدايات استخدام الفوتوشوب.

- شطارة وذكاء وثقة أكرم حسني في نفسه بيخلوه يحب يتعاون مع اللي شغالين معاه.

- لو مكنتش ممثل كنت أحب أدرس للأطفال حكي وتمثيل.

- فيه أكتر من مشروع لـ رمضان الجاي بس لسة مستقرتش ومتعاقدتش على أى حاجة.

- الموقف اللي كنت أحب إني أصوره هو نظرة أمي ليا لما بعمل حاجة تفتخر بيها.