"مش عارفين نعيش طبيعي".. هكذا أعرب نجوم الفن عن تأثرهم بأحداث غزة
أعرب عدد كبير من الفنانين عن مدى حزنهم لما يحدث في غزة خلال الفترة الحالية من قصف الاحتلال الإسرائيلي لهم باستمرار، مما أسفر عن استشهاد عدد من الفلسطينيين.
قالت الفنانة ريهام عبد الغفور أثناء لقائها مع برنامج عرب وود: "اللي بيحصل ده خارج حدود الإنسانية مش متخيلة أبدًا، كل يوم بقول يارب يكون كابوس وتحصل معجزة تخلص من الكارثة البشعة دي، ربنا ينجيهم ويصبر كل الأمهات اللي فقدت كل أولادها".
نجوم الفن يدعمون غزة
في حين قالت الفنانة علا غانم باكية: “كلنا بنحبكم ونفسنا نكون معاكم كل واحد في مصر بيحاول يعمل اللي يقدر عليه واللي مسموح بيه، مش قادرين نكمل حياتنا بشكل طبيعي كلنا معاهم محدش عارف يعيش بشكل طبيعي بسبب اللي بيحصل في غزة”.
وقالت الفنانة روجينا: "الأجيال الجديدة فهمت يعني إيه ييجوا ياخدوا أرضي وأنا قاعدة يعني إيه أبقى عايشة في سجن، مفيش ممرات آمنة تدخل الأكل والمساعدات، يعني إيه أكون قاعدة في بيتي ويتقطع عليا المايه والنور، الله يكون في عونهم واحنا كلنا مع أهل غزة بأرواحنا".
وأكد الفنان أشرف زكي نقيب المهن التمثيلية على أن المصريين لم يتخلوا عنهم، قائلًا: "لن نتخلى عنكم أبدًا وبنشكر القيادة السياسية في مصر، إحنا بدورنا كفنانين اتحركنا وروحنا معبر رفح وعملنا وقفة تضامنية، ومش هنسكت وهنستمر في حملات التضامن مع القضية الفلسطينية وأهالينا في غزة".
