فيدرا تشيد بموقف محمد سلام: "عمل بعقيدته وخاف من ربنا"

علقت الفنانة فيدرا على موقف الفنان محمد سلام من الاعتذار عن عدم المشاركة في موسم الرياض بمسرحية "زواج اصطناعي"، وذلك بسبب ما يحدث في غزة.

كتبت فيدرا عبر حسابها على "فيسبوك": "هو كسب كل حاجه علشان عمل بعقيدته، مخافش من حد، خاف من نفسه اللي هتلومه لو معملش كده وطبعا خاف من ربه، محمد سلام مافيش منه كتير، ده واقع و طبعا كل إنسان حر وكل إنسان عارف نفسه وعارف مقدرته ولا يكلف الله نفسًا إلا وسعها، وسعها على الصعيد المادي والنفسي، ده وسع سلام وده وسع باسم وده وسع صلاح".

اعتذار محمد سلام عن المشاركة في موسم الرياض

وكان الفنان محمد سلام قد اعتذر عن المشاركة في مسرحية "زواج اصطناعي" التي يتم عرضها ضمن فعاليات موسم الرياض في السعودية، وقال في فيديو نشره عبر حسابه على "انستجرام": "المفروض أسافر الرياض عشان أعرض مسرحية زواج اصطناعي والمفروض إنها مسرحية كوميدية وفيها استعراضات وأغاني ونعرض يوم 30 أكتوبر، أنا مش متخيل إني هروح أعمل مسرحية وارقص واخواتنا في فلسطين عمالين يتقتلوا ويدبحوا".

وتابع سلام: "أنا مش هقدر أسافر وليه بقول الكلام ده في آخر لحظة لأني كنت على أمل أن الموسم يتلغي أو يتأجل زى مهرجانات الجونة والقاهرة أو الموضوع يهدى في فلسطين، ونقدر نعرض بس مفيش حاجة بتحصل لحد دلوقتي كل الناس عمالة تموت ومفيش حاجة بتحصل، ازاي أروح اعرض وناس بتموت في فلسطين، لو أنا عملت كده هبقى كأني زي اللي بقتلهم بالظبط، أنا مش في إيدي حاجة أقدر أقدمها، فلما نموت وربنا يسألنا عملت إيه لأخوك في فلسطين أنا هرد أقول إيه؟ هقول في وقت الأحداث في فلسطين أنا كنت بعمل مسرحية كوميدية وبرقص وأغني فأنا مش هقدر أعمل كده".