"بيقول إيفيهات حلوة".. فريدة سيف النصر عن تعاونها مع أحمد عز في فيلم فرقة الموت

كشفت الفنانة فريدة سيف النصر عن كواليس عملها في فيلم فرقة الموت مع الفنان أحمد عز، إلى جانب حديثها عن الشخصية التي تقدمها خلال العمل.

كتبت فريدة سيف النصر عبر صفحتها على "فيسبوك": "اللوكيشن مليان بالكلام عن أحداث غزة ولكن ده شغلنا، المعلمة قشطه في فيلم فرقة موت مع الجمال والذوق والأخلاق السوبر ستار أحمد عز، مبسوطة إني بتقابل مع جيل جديد اتفاجأت أن أحمد عارف شغلي وهو بيتفرج عليا عمال يشكر فيا".

كواليس فيلم فرقة الموت بطولة أحمد عز

أما عن العمل مع أحمد عز، قالت: "عز اتكلم على نور الشريف وإني محظوظه إني اشتغلت معاه أهم أعمالي وهو اشتغل معاه واهتم بيه، ومحمود عبدالعزيز وجماله وقد ايه بيحبهم وكان نفسه يشتغل مع المخرج عاطف الطيب، بحمد ربنا إني محظوظه في الجيل اللي حضرته وانا صغيرة نجوم مش هتتكرر اتعلمت علي ايديهم، والجيل بتاع عز وانا كبيره، عندنا أجيال هتكمل المسيرة بجدارة".

وتابعت فريدة سيف النصر: "فيلم فرقة موت بطولة الفنان أحمد عز، آسر ياسين، الجميلة منة شلبي، القمر أمينة خليل، السوبر ستار محمود حميدة، والفيلم من إنتاج هشام عبد الخالق، وإخراج أحمد علاء، مفيش أجمل من إنك تشتغل مع ناس فرحانه بيك ومخرج عارف امكانياتك، هقول لكم علي حاجه تجنن، تخيلوا إن أحمد عز ممكن يعمل كوميدي، بيقولي افيهات أقسم بالله حلوة، يارب ينجحوا كلهم ويكسروا الدنيا".