مدحت العدل: "نفسي أقدم فيلم عن قضية فلسطين واليهود مؤثرين على الميديا"
كشف السيناريست مدحت العدل عن تفاصيل مشواره الفني واستعداده لدراما رمضان 2024 والأعمال التي يستعد لها خلال الفترة القليلة المقبلة، إلى جانب حديثه عن القضية الفلسطينية.
قال مدحت العدل أثناء ندوته في مهرجان الشارقة بالإمارات: "الكتابة قدر زي الموت والحياة.. ونجيب محفوظ مكنش ينفع غير كاتب، ولو الشخص مش شغوف بالكتابة يقعد في بيتهم، لو أي شخص مش حابب مهنته مش هيوصل لأى حاجه.. الكتابة شيء مرهق قوي".
تصريحات مدحت العدل
وتابع مدحت العدل: "نفسي أقدم فيلم عن القضية الفلسطينية بس عشان أعمله هبيع حاجتي وهدوم عيالي، وفيه أعمال العدل جروب مش هتعرف تعملها لوحدها، أنا دلوقتي بشارك في رمضان 2024 مع الفنان يحيي الفخراني وكمان بكتب مسرحية لمنة شلبي".
واختتم مدحت العدل حديثه، قائلًا: "اليهود مؤثرين على الميديا كلها، ووقعت في غرام تشارلي تشابلن والمسرحية اللي عملتها، والفرق بين أي إنسان عادي وفنان هو التفاصيل والاهتمام بيها".
