محمد سلام يعتذر عن المشاركة في موسم الرياض بسبب فلسطين.. هل يقع عليه شرط جزائي؟
اعتذر الفنان محمد سلام عن سفره إلى المملكة العربية السعودية من أجل المشاركة في موسم الرياض وتقديم مسرحية "زواج اصطناعي" مع الفنانة مى عز الدين، وذلك بسبب ما يحدث في غزة حاليًا من عدوان من قبل الاحتلال الإسرائيلي.
وقال محمد سلام في فيديو له عبر صفحته الرسمية على "انستجرام": "المفروض أسافر الرياض عشان أعرض مسرحية زواج اصطناعي في موسم الرياض والمفروض إنها مسرحية كوميدية وفيها استعراضات وأغاني وهنعرض إن شاء الله يوم 30 أكتوبر".
تصريحات محمد سلام
وأضاف محمد سلام: "هنعرض في وسط الأحداث اللي بتحصل في غزة دلوقتي، أنا مش متخيل إني هروح أعمل مسرحية وأهزر وأرقص وإخواتنا في فلسطين بيتقتلوا ويدبحوا ومفيش حاجة بتحصلهم، أنا مش هقدر أعمل كده طبعًا وليه بقول الكلام ده في آخر لحظة لأني كان عندي أمل أن الموسم يتلغي أو يتأجل زى مهرجان الجونة والقاهرة أو حتى الموضوع يهدى في فلسطين".
وتابع محمد سلام: "لكن مفيش حاجة حصلت لحد دلوقتي في ناس بتموت، فأنا إزاي أروح أعرض وناس بتموت في فلسطين، حاسس لو أنا عملت كده هبقى كأني زي اللي بقتلهم، هبقى خذلتهم، فأنا بعتذر عن المشاركة في موسم الرياض، فأنا مش في إيدي حاجة أقدمها، ولما نموت وربنا يسألنا عملت إيه لأخوك في فلسطين أنا هرد أقول إيه؟ هقول في وقت الأحداث كنت بعمل مسرحية كوميدية وبرقص وأغني؟، أنا مش هقدر أعمل كده".
