ما علاقة غزة؟.. فريدة سيف النصر تفقد وزنها وتعلق: "اللي فشلت فيه سنين بييجي لوحده"

كشفت الفنانة فريدة سيف النصر عن سبب فقدان الوزن بشكل كبير في الفترة الماضية، وذلك بعدما نشرت صور لها من كواليس فيلم فرقة الموت مع أحمد عز وظهر عليها فقدان الوزن، مشيرة إلى أنها فقدت 14 كيلو من وزنها بسبب تأثرها بـ أحداث غزة.

كتبت فريدة سيف النصر عبر حسابها على "فيسبوك": "اللي بيسألوني خسيتي إزاي مش هتصدقوا، أقسم بالله من 9 أكتوبر اللي فشلت فيه سنين بييجي لوحده ومستمر، كل ما أشوف أطفال غزة جعانين أو مستشهدين، أجي أحط الأكل أعيط والله ومقدرش أشوف الدم، نفس الحالة الطفل اللي مات وفي إيده كرواسون حد إداهاله مالحقش يأكل قطمة يا قلبي".

تصريحات فريدة سيف النصر

وتابعت: "الست اللي كانت بتصرخ وتقول ماتوا جعانين وعطشانين، واللي بتنده على رضيعها تقوله قوم يا قلبي راح يجي اللبن وترضع، أقسم بالله معدتي هي اللي رفضت الأكل، أنا طبيعتي لما بزعل أكل كتير، بس المرة دي مختلفة صوت وصورة ومأساة حقيقية، أب بيجري لولاده ميتين، وأم بتصوت فقدتهم كلهم، وأطفال اتيتموا واللي بينده على أبوه أو أمه، البنت اللي بتجري وشايله قطتها، والولد اللي مات حاضن كلبه".

وكشف فريدة سيف النصر عن شئ آخر تسبب في فقدان وزنها، قائلة: "ده غير حبيبتي بنت أخويا جالها كانسر مبتاكلش وإن أكلت ترجعه، أنا مش عارفة أتصرف إزاي والله، عمومًا لو فكرتي أن الأكل الزيادة ده توزعيه على ناس نفسها فيه يبقي كتر خيرك والحمد لله على نعمة الإحساس بس من غير ألم معدة".

سبب فقدان فريدة سيف النصر لوزنها

واختتمت فريدة كلامها: "من ساعة الأحداث 14 كيلو؟ ربنا يستر حقيقي معدتي وجعاني ورافضه الأكل خالص، يا رب حلها من عندك وارحمهم واخسف الأرض بصهيوني سفاح الحياة".