حورية فرغلي تتعاقد على فيلم ديجافو
أعلنت الفنانة حورية فرغلي تعاقدها على فيلم ديجافو، موضحة أنه من أصعب الأدوار التي قدمتها.
نشرت حورية فرغلى مقطع فيديو لها عبر صفحتها الرسمية على موقع انستجرام قائلة: "أنا النهارده طالعة مخصوص عشان أقولكم خبر، وهو أحلى خبر بقالي كتير ما انبسطتش زي انهارده".
تصريحات حورية فرغلي
وأضافت حورية فرغلي قائلة: "أنا لسه ماضية فيلم اسمه ديجافو، مع المخرج عيد العربي والمنتج أيمن فهمي، وهما إسكندرانية بلدياتي".
وتابعت حورية فرغلي قائلة: "ممكن تستغربوا اشمعنا دلوقتي اشتغلت سينما، بصراحة كان معروض عليا حاجات كتير بس ملقتش حاجة جديدة، أنا عملت قصص وشخصيات كتير، بس معملتش الدور ده خالص، وهو من أصعب الأدوار اللي هعملها في حياتي".
حورية فرغلي
وقد أعلنت حورية فرغلي سابقًا أثناء لقائها في برنامج ET بالعربي، عن رغبتها بتبني طفل من أطفال غزة قائلة: "مينفعش أتبنى عشان مش متجوزة، أنا حاولت أتبنى قبل كده وقالولي مش هينفع، لازم تكوني متجوزة، فكفلت طفلين وماتوا، ومن فترة شيلت الرحم وعمري في حياتي ما هيكون عندي أولاد، وأنا بعتبر كل الأطفال الصغيرين ولادي".
