طليقة حسن شاكوش: كان عايز يطلقني في كافيه ومصرفش عليا حاجة

تحدثت ريم طارق طليقة مطرب المهرجانات حسن شاكوش، عن سبب انهيار علاقتها بزوجها، مشيرة إلى أنه كان يريد أن يطلقها في كافيه ولكن والدها رفض.
قالت ريم طارق خلال لقاءها مع الإعلامية بسمة وهبة في برنامج ٩٠ دقيقة على قناة المحور، إن السوشيال ميديا من أسباب انهيار علاقتها بزوجها حسن شاكوش، بعدما قام بعض الأطراف بحسابات مجهولة وقاموا بالهجوم عليه وعلى أهله".

تصريحات طليقة حسن شاكوش

وأضافت: "والدي تواصل مع أسرته وطلب منهم إعادة مقتنياتي الشخصية، لكنهم رفضوا وأصروا على مقابلتهم في الكافيه، هما بيطلقوا على كافيه، بس بابا قالهم أنا عندي بيت، زى ما خدتوها من بيتها تعرفونا بيحصل ايه، وهى لو غلط أربيها، ولو فيها عيب هتنازل لكم عن كل حاجة".
وتابعت: "والدي رفض إن الطلاق يبقى على كافيه، فعملت محضر إثبات حالة بأن كل أغراضي الشخصية في بيت الزوجية، وده معجبوش ولا عجب أهله، وبعتلي قالي انتي بتكتبي على السوشيال ميديا؟! دي بقا لعبتي وهتسلى عليكي وهعمل شركة تتسلى عليكي أنتي وأهلك".

طليقة حسن شاكوش: مصرفش عليا جنيه

وواصلت ريم طارق حديثها، قائلة: "حسن شاكوش نفذ تهديده ونشر صور على مواقع التواصل الاجتماعي واتكتب  إني سبوبة واللي عاوز يدفع أكتر، حسن مصرفش عليا ولا جنيه ومجابليش حاجة، جابلي شبكة بسيطة، والمؤخر بتاعي 500 ألف جنيه، وهو بيقول 5 مليون، بيكدب وبيطلع شائعات بسبب سر أنا حفظته لنفسي ومش هقوله لحد، رغم إني وقفت معاه في مشاكله وفي آخر أيام جوازنا خليته يصلي".