"عايرني بمرضي".. طليقة حسن شاكوش: هددني بالفضيحة وشوفت معاه كل حاجة وحشة

كشفت ريم طارق طليقة حسن شاكوش، عن تفاصيل جديدة في أزمتها مع الأخيرة مع طليقها، مؤكده أنها تعرضت للظلم منه.

قالت ريم طارق طليقة حسن شاكوش، في تصريحات تلفزيونية لها، إنها تعرضت للظلم الشديد من طليقها، وكان يهددها بالفضيحة، قائلة: "أنا كنت مهددة أني أقعد في البيت، وحصل بيني وبينه خلافات زوجية بس مش زي أي خلافات، وفعلًا الصورة حاجة والشخص اللي في البيت حاجة تانية خالص، أنا شوفت أبشع حاجات ممكن أي حد يتخيلها".

تصريحات طليقة حسن شاكوش

وتابعت ريم طارق: "أنا شوفت كل حاجة وحشة مع حسن، وحاجات مفيش حد يقدر يستحملها، الموضوع أبعد وأكبر من الخيانة، وأنا مش هقدر أقول اللي حصلي، ممكن لما أحكي الناس تسقف وتتعاطف معايا بس مش ممكن أفضح بني آدم".
وأوضحت، أنها تعرضت لوعكة صحية في فترة زواجها، وأنها روت تفاصيل المرض لطليقها، ولكنه تصرف تصرف لا يليق بالإنسانية، وأكدت: "حسن شاكوش عايرني بمرضي، ودي مش رجولة ولا شهامة وهو كان عارف أني أتجوزت قبل كده ومعايا فويس نوت بصوته بتأكد كلامي".