ماجدة خير الله: "مسرحية زواج اصطناعي منحوتة وأبطالها رايحين يهرجوا وياخدوا قرشين"

أكدت الناقدة ماجدة خير الله، أنها لم تشاهد مسرحية "زواج اصطناعي" بطولة بيومي فؤاد، مشيرة إلى أنها مجرد "نحتاية" على حد وصفها حيث تمت كتابتها في 3 أيام فقط.

قالت ماجدة خير الله، في مداخلة تلفزيونية ببرنامج تفاصيل:"هي دي مسرحية.. أنا مشوفتهاش ولا في حد شافها، وده يدل على حاجه اسمها نحتاية اتكتبت في 3 أيام وخلاص والسلام عليكم،  مش مسرحية ومسرح يتحط في تاريخ أى حد من اللي شاركوا فيها، هما عارفين أنهم رايحين يهرجوا شوية وياخدوا قرشين".

ماجدة خير الله: مسرحية زواج اصطناعي دون المستوى

وأضافت ماجدة خير الله، أن تلك المسرحية ليست لها قيمة ولن يتم عرضها على أي منصة رقمية أو محطة فضائية وأبطال العمل فرحين بذلك وهي مسرحية دون المستوى، وبيومي فؤاد مش محروم علشان يعمل كده، ده بيطلع في البرامج بيتقاضى أجر وبيظهر في إعلانات كتير غير مشاركته في أفلام ومسلسلات مش عارفين عددها، يعني ملوش لازمة اللي هو عمله".