القصة الكاملة لتعرض فيفي عبده للسحر.. ٦٠ ألف السبب

تعرضت الفنانة فيفي عبده لأعمال السحر، حسبما صرحت في لقاء تليفزيوني لها قبل ذلك، مشيرة إلى أنها خضعت لعملية جراحية ولا تستطيع التحرك من الفراش.

بدأت الأزمة عندما سقطت الفنانة فيفي عبده في الرياض، وظهرت بعد ذلك في لقاء مع et بالعربي: وقالت: "لأول مرة بقول لجمهوري ارحموني الناس كلها بتحبني، لكن أنا ممكن أحسد نفسي والحسد موجود ولكن زاد عن حده معايا، ومش عاوزة أضعف وأقول لهم أنى محسودة لأني مش عاوز العطف وأنا دايما واقفة زي الأسد برقص ومبسوطة وبسمع المزيكا، ومش عاوزة أكئب الناس لأن الناس دى بتصحا من النوم تشوف صفحتي ويشوفوا عاملة إيه".

تعرض فيفي عبده لوعكه صحية
وحكت فيفي عبده عن تفاصيل الوعكة التي تعرضت لها، قائلة: "الغضروف قفل على العصب ومابقاش العصب يتحرك، ورجلي بقت تقيلة، وربنا يتم شفائى لأن الصحة تاج ولو مال الدنيا معاك ومفيش صحة يبقى أنت مش معاك حاجة".
وأضافت: "دوروا على عروق في إيدي مالقوش ولما عملوا ليا فحص لقوا القلب فيه رفة، وطبلوا على الهواء دكتور قلب وخدت بنج وعملوا ليا منظار علشان يطمنوا على القلب ولما اتطمنوا كانوا مجهزين أوضة العمليات بتاعة العمود الفقري ولما سافرت علشان اتكرم فوجئت وأنا بحط رجلي على السلم رجلي تقيلة ودي كانت بالنسبة لي مفاجأة قدام الناس ومكنتش قادرة اطلع علشان أتكرم".
منتج يعترف بأذيته لـ فيفي عبده
اعترف المنتج أحمد الزواوى بأنه هو من قام بالسحر لفيفي عبده، وهذا بسبب خلافه معها في عام 2017، حيث وقعت معه على بطولة فيلم واستلمت مقدم العفد وقدره 60 ألف جنيه، ثم تفاجأ بهروبها وامتناعها عن التصوير.

وصرح بأنه هو السبب في مرضها انتقامًا منها لأخذ حقه، قائلا: "أنا اللي عملت العمل لفيفي عبده ومش هفكه غير لما ترجعلي فلوسي وبالدولار"، مضيفًا أنه سوف ينتظر أن تأتي وتقبل قدمه لكي يقوم بفك العمل، كما قالت على الهواء، عندما طلبت ممَن قام بعمل السحر أن يقوم بفكه قائلة: "أبوس على رجلك عشان حرام أفضل في السرير"
وعندما واجهته المذيعة باستخدام السحر الأسود لمرض فيفي عبده، قال: "السر في الخاتم دا"، موضحًا أنه يمتلك قدرات ربانية يستخدمها ضد من يؤذيه.