مدحت صالح عن الغناء بالذكاء الاصطناعي: "هنشبع مزيكا"

تحدث الفنان مدحت صالح عن رأيه في فكرة الغناء بالذكاء الاصطناعي، التي كشف عنها مؤخرًا الملحن عمرو مصطفى، وأثار بها حالة كبيرة من الجدل بين الفنانين.

قال مدحت صالح خلال المؤتمر الصحفي الذي يقام حاليًا في دار الأوبرا المصرية للحديث عن مشروعه الجديد: "مش عارف عمرو مصطفى قال إيه تحديدًا، لكن في إمكانية إننا ناخد بصمة الصوت لأي حد سواء رحل عن عالمنا أو لسه عايش، ويتم توظيفها".

وأضاف: "فيه تكنيك تاني في التكنولوجيا، هو إننا ناخد الصوت فقط ونركب عليه المزيكا، وهو ده المشروع اللي كنت بقدمه للدولة عشان نشتغل عليه بالإذاعة، ممكن ناخد الأصوات دي ونخلي كل الناس مواليد سنة 2023، وأنا بعمل كده".

مدحت صالح: محدش هيقدر يقرب من بناء اللحن الأساسي

وتابع: "اللي بيعمله عمرو مصطفى إنه بيلعب في التقنية دي، بياخد صوت حليم وبيعمل لحن وكمان الست أم كلثوم، لكن محدش هيقرب من البناء الأساسي للحن، مش هنلعب في اللحن ولكن بنحاول نزود متعة الجرعة السمعية".

واختتم كلامه قائلا: "إحنا عارفين الكلمات بس عايزين جرعة أكبر من المزيكا الشبع من المزيكا، كل أغنية قبل كده كنا بنقول عايز أشبع مزيكا، هيحصل دلوقتي".

مشروع مدحت صالح في دار الأوبرا

يهدف مشروع الفنان الكبير مدحت صالح في دار الأوبرا المصرية، إلى إعادة إحياء عدد من أهم أعمال الموسيقى العربية، لكبار الملحنين المصريين والعرب أيضًا، وحضر المؤتمر مجموعة من الإعلاميين والصحفيين من أجل تغطية تفاصيله.