بعد انتهاء عرض حكاية عيشها بفرحة.. هبة مجدي تتبرع بـ 30 كرسي متحرك
أعلنت الفنانة هبة مجدي عن تبرعها بـ 30 كرسي متحرك لذوي الهمم والاحتياجات الخاصة، بالتزامن مع انتهاء عرض حكاية “عيشها بفرحة” من مسلسل “55 مشكلة حب” والتي جسدت خلاله شخصية فتاة من ذوي الهمم.
قالت هبة مجدي خلال لقائها مع برنامج et بالعربي: “مبسوطة أوي لأني كنت بشتغل وأنا عليا مسئولية كبيرة، إن المسلسل يطلع بشكل بسيط ويوصل لقلوب الناس ببساطة من غير ما نضايقهم بحاجة أو نضغطهم”.
حكاية عيشها بفرحة بطولة هبة مجدي
أما عن إشادة مخرجة من ذوي الهمم بحكاية عيشها بفرحة، قالت هبة مجدي: “اتبسطت أوي إنها كتبت على السوشيال ميديا إنها مبسوطة بالعمل، وأنا في الحقيقة مشوفتهاش قبل ما أدخل تصوير واتفاجئت إن فيه حاجات شبه قصتها الحقيقية، وحبينا نقول في المسلسل إنك لازم يبقى عندك إرادة قوية، بدل ما تبقى محطم وتستلم للضعف اللي أنت فيه، لازم تغير حياتك وربنا هيكرمك ويشجعك في خط سير جديد بحياتك، وتكون أنجح من قبل كده”.
أما عن تعاونها مع الفنان هاني عادل، قالت في حديثها: “الحمد لله، وإحنا بنصور أنا وهاني الناس كانت حبانا على الكاميرا، واشتغلنا مع بعض قبل كده في مسلسل نصيبي وقسمتك ولكن الحكاية المرة دي مختلفة تمامًا، ده غير إن الحكاية مش بس بطاقة أمل كمان فيها دعوة للرومانسية والحب الحقيقي”.
