"مغلطوش وياريت نرحم بعض".. محمد رمضان يعلق على أزمة محمد سلام وبيومي فؤاد

تحدث الفنان محمد رمضان على أزمة الفنان محمد سلام والفنان بيومي فؤاد، بسبب مسرحية زواج اصطناعي، التي تم عرضها في موسم الرياض بالسعودية، مشيرًا إلى أنهما لم يخطئا في أى شئ.

نشر محمد رمضان فيديو عبر حسابه على انستجرام، وقال: "رسالتي لكل جمهوري العربي رأس مال أي فنان في الدنيا هو الناس، بنطلب من كل حبايبنا وكل اللى حاولينا أمى وأبويا يدعو أن ربنا يحبب فيا الناس والجمهور، وشيء قاسي لما أكتر حد أنت تبقى عايز تسعده وتنال رضاه هو اللى يكون قاسي عليك بالكلام، وكلامى عن زملائي وأخواتى اللي بتشرف بيهم الاتنين محمد سلام وبيومى فؤاد، لا سلام غلط ولا بيومي غلط حتى لو في ذلة لسان".

تعليق محمد رمضان على أزمة محمد سلام وبيومي فؤاد

وتابع محمد رمضان: "إحنا بنقول اللهم لا تؤاخذنا إن نسينا أوأخطانا، لوغلطنا وإحنا بنصلى ربنا بيسامحنا، فعملوا إيه الاتنين عشان نكون قاسين عليهم، الأخبار اللى بسمعها اللى إن شاء الله تكون إشاعات إن سلام مش هيشتغل ولا حد هيسمح بكدا ولا إحنا كفنانين ولا الجمهور هيسمح بكده، اللى هو في ضهر أى فنان بيحبه وبيساعده.

واختتم محمد رمضان حديثه، قائلًا: "ولا إحنا مع بيومي أن يقفل الكومنتات عشان ميشوفش كلام وحش، ياريت نكون أحن من كده على بعض".