أحمد العوضي: الخيانة مش صح ولو عايز تتجوز على مراتك لازم تعرفها

حل الفنان أحمد العوضي ضيفا على الإعلامية أسما إبراهيم، في برنامجها "حبر سري"، على قناة القاهرة والناس.

وتحدث العوضي خلال اللقاء عن العديد من الموضوعات والكواليس والتفاصيل.

وتحدث العوضي عن خيانة الرجل لزوجته، مؤكدا أنه لا يوجد مبرر للخيانة.

وقال أحمد العوضي: "مينفعش راجل يخون مراته، ومفيش مبرر يخلي راجل يعرف واحدة على مراته، لو أنت مش مبسوط طلقها، هو الراجل يملك إيه غير هيبته، والست تملك إيه غير احترامها؟!".

وأضاف أحمد العوضي: "مفيش حد في الدنيا بياخد كل حاجة، الخيانة كمبدأ غلط كبير ، ولو عايز يتجوز يقول لمراته الأولى، ولو هي موافقتش يبقى حقها، ولو اتجوز في السر، أو بيخون هتبقى فقد احترامه قدام دي ودي".

كما كشف الفنان أحمد العوضي عن سبب تأجيل فيلمه الجديد  “البلدوزر”، مع المخرج طارق العريان، قائلًا: "البلدوزر أنا مضيته ومتفق عليه من 2022، وبعدين طارق العريان صور معايا،  وأنا صورت ضرب نار، واتفقنا نأجل التصوير، لكن الفيلم مكتوب وجاهز، وبعتبره حالة فريدة، ومفيش منافس هيعمل نفس فكرة الفيلم، وهي مش حرب".

وأضاف أحمد العوضي: "أنا مبقلقش من حد ويا رب كلنا ننجح، وأنا هدفي نوصل لنقطة حتى لو كلنا وصلنا لها، المهم إني وصلت ونجحت، إيه اللي يزعلني لو كلنا بقينا ناجحين؟".

اقرأ أيضاريهام حجاج تؤدي مناسك العمرة بصحبة زوجها محمد حلاوة