أحمد حلمي يكشف سر «عضة الحمار» وسبب تعرضه للتنمر من فنان شهير

حل الفنان أحمد حلمي ضيفا على برنامج “سولد أوت” مع الإعلامي محمود سعد وتحدث خلال لقائه عن العديد من الموضوعات، كما تحدث عن طفولته، وتعرضه للتنمر من أحد الفنانين.

 وقال حلمي: "كنت شقي جدًا في طفولتي، وكان عندنا حمار بعربة كارو دايمًا تحت بيتنا، وفي مرة عضني، وأعتقد إن دا الحمار الوحيد في العالم اللي بيعض، وروحت للدكتور وقالي أنا محدش قالي قبل كدا إن عضه حمار، وكنت وأنا صغير  بتنى ودني وأنام عليها فبقى عندي ودن أكبر من ودن".

وعن تعرضه للتنمر قال أحمد حلمي: "في مرة كنت في فرح بنت خالتي على مركب واقفة، وكان في فنان كلنا بنحبه في الفرح، وأنا كنت في فترة إعدادي تقريبا، وروحنا علشان نشوفه، وواقفين قدامه وبنضحك ببراءة كدة، وراح قال لصاحبه الحق ميكي ماوس، طبعا اتضايقت جدًا، وعمري ما نسيت الحكاية دي خالص، واتعلمت منها أن أي حد جاي يتكلم معاك بدافع الحب مش بدافع شيء تاني خد بالك منه".

اقرأ أيضا:حكاية شخصية الأسد التي جسدها سامي العدل في مسرحية عادل إمام