سلوى عثمان تكشف عن نصيحة والدها لها قبل وفاته.. فيديو
كشفت سلوى عثمان عن نصيحة والدها لها قبل وفاته وآخر ما قاله لها، إلى جانب حديثها مدى حب والدها لعمله، مشيرة إلى أنه كان يحب عمله بشدة وكان يعمل على أكمل وجه.
قالت سلوى عثمان أثناء لقاءها في برنامج "الستات ما يعرفوش يكذبوا": "بابا بيحب شغله وأهم حاجة عنده يعمل شغله على أكمل وجه وكل حاجة تكون صح وكان بيحب اللغة العربية جدًا، ومكانش بيفرق معاه اسمه على الأفيش بقدر اهتمامه بأن يقدم دور مؤثر، والحمد لله كان فيه تقدير لفنه من كل الناس اللي حواليه، وآخر تكريم له كان من الشركة المتحدة وده أسعده وأسعدنا وأسعدني بشكل خاص، وكمان كان متكرم من الناس كلها لأن كل جمهوره بيقدره وبيحبه ومفيش حد والله ما زعلش عليه".
سلوى عثمان تكشف نصيحة والدها لها
أما عن نصيحة والدها لها، قالت سلوى عثمان: "الجملة الوحيدة اللي قالهالي قبل وفاته هي خلي بالك من نفسك وده حسسني إنه خلاص وحسيت إنه بيودعني، ودايما كان يقول لي خليكي هادية وخدي ردود فعل بسيطة، لأني كنت عصبية شوية لكن هو كان هادي وردود فعله هادية طول الوقت".
وتابعت سلوى عثمان مشيرة إلى أن والدها كان يعيش في الإسكندرية مع زوجته ويعمل في الأكاديمية، قائلة: "كان مرتبط جدًا بإسكندرية وبيحبها جدا، ولما اتعالج بالأدوية والعلاج الطبيعي بدأ يمشي تاني، وكان لآخر لحظة مش بيحب يسيب شغله وكان بيروح وهو تعبان وطلابه زعلوا عليه لأنه كان بيحب الحياة والشغل".
اقرأ أيضًا: رسالة من وزير.. مخرج مسلسل عائلة الحاج متولي يكشف سبب تغيير النهاية
