نجوى إبراهيم لمنتقديها: "عندي سرطان وهعتزل وهموت قريب"
وجهت الإعلامية نجوى إبراهيم رسالة إلى منتقديها على مواقع التواصل الاجتماعي، مشيرة إلى إنها تعاني من السرطان وأجرت عدد كبير من العمليات الجراحية.
قالت نجوى إبراهيم أثناء برنامجها بيت العز عبر إذاعة نجوم FM: "أنا أول مرة أقرأ كومنتات كتير جدًا على حاجة نزلت، يا نهار أبيض على اللي اتقال، ما تروحوا يا جماعة تتعالجوا بجد.. إنتوا عايزيني أعتزل؟ ما ضروري الواحد يعتزل هو هيقعد طول العمر يكلمكم؟ ممكن أعتزل الأسبوع اللي جاي لإني اتخنقت مش آخر عمر الواحد ياخد ده كله بالراحة على نفسكم".
نجوى إبراهيم لمنتقديها: عايزني أعتزل ليه؟
وتابعت نجوى إبراهيم: "الناس بتستكتر على غيرها الابتسامة وليه لازم كل الناس اللي بتضحك يبقى عندها ملايين؟ ما تقولوا الحمد لله.. يارب أبقى زيه وبسم الله ما شاء الله، ومن شر حاسد إذا حسد، انتو إيه اللي يريحكم أعتزل؟".
وأضافت نجوى إبراهيم: "أنا عندي 80 سنة وعيانة وغلبانة وعندي سرطانات وعاملة 7 آلاف عملية وهعتزل وهموت قريب، هدوا نفسكم والنبي، أنا مش جاية أربي عيالي أنا جاية فرحانة بيكم ومبسوطة وبتشرف بكلامي معاكي.. حبوا بعض شوية".
اقرأ أيضًا: الصهيونية منبع الشر.. شريهان توجه رسالة للإسرائيليين: "أحقر البشر على وجه الأرض"
