عاب في كل زمايله.. رامي جمال يهاجم عمرو مصطفى: انت من غير شاعر وموزع أداة

علق المطرب رامي جمال على التصريحات الأخيرة للفنان عمرو مصطفى، التي صرح فيها بأنه هو المبدع والمطرب مجرد أداة، قائلًا: "أعوذ بالله لا أكيد برفض الكلام ده كله".
قال رامي جمال خلال لقاءه مع الإعلامية أسما إبراهيم: "عمرو مصطفى عنده نوع من النرجسية مبحبوش، وبقوله كفاية فاضل مين لسه مزعلتوش هو زعل كل الناس وعاب في كل زمايله وبالتأكيد عاب في المهنة، وياريت الأحسن بدل ما نعيب في بعض نعلي ونكبر من بعض".

رد رامي جمال على تصريحات عمرو مصطفى

وأضاف رامي جمال قائلًا: "عمرو مصطفى طيب جدًا لكن كل اللي بيشوفوا المشاكل ناس عادية ليه نصدر مشاكلنا للناس، كلنا مراكبنا ماشية بكرم وفضل من ربنا مش عشان انت اللى بتقدف فيها بس".
واستكمل حديثه ردًا على جملة عمرو مصطفى بأن المطرب أداة، مؤكدًا: “طيب ما هو الملحن من غير شاعر شاطر أداة، ومن غير موزع شاطر برضو أداة، والمطرب الشاطر اللى هو سماه أداة يعتبر الواجهو اللى من غيرها مكنش قال انه ملحن شاطر”.