محمود سعد يطالب الجمهور بمشاهدة حلقة "الدحيح" عن فلسطين
وجه الإعلامي محمود سعد رسالة للجمهور، يطلب فيها مشاهدة حلقة برنامج “الدحيح" عن فلسطين، الذي يقدمه أحمد الغندور.
كما أشاد محمود سعد بأداء أحمد الغندور في السرد وطريقة توصيل المعلومة.
وكان أحمد الغندور نشر حلقة في برنامجه “الدحيح” عن القضية الفلسطينية وبداية فكرة إنشاء وطن لليهود علي أرض فلسطين، ومساعدة الدول الغربية لها وخاصة بريطانيا، ثم يروي المزاعم التي أعتمد عليها اليهود طوال السنين الماضية في حقهم في أرض فلسطين.
وقال محمود سعد خلال بث مباشر علي صفحته الشخصية علي يوتيوب"أنا لما بشوف حاجة حلوة بتتعمل بحب أدعمها، و"الدحيح" مش محتاج مني دعاية أو دعم هو شاب ماهر وموهوب، ويبذل مجهودا جبارا عشان يقدم الحاجات اللي بيقدمها في وقت قصير".
وأضاف: "يمكن الطريقة بتاعته أن هو سريع ميرتحلهاش الناس الكبيرة اللي زيي لكن أنا معجب بيه جدا لأني ببص ليه ببعد أكبر، لكن هو مناسب للشباب اللي بيتكلموا بسرعة وبيوصل ليهم وده إللي إحنا عايزينه".
وتابع محمود سعد: “إحنا الكبار عارفين واللي مش عارف بيقدر يعرف من ناس كتير، لكن أحمد الغندور بيقدم حاجة جميلة مختصرة وأحيانا بتطول منه لما يكون الموضوع متحمل وفي حاجة مفيدة”.
وتابع: "اللي ما شافش الدحيح لما اتكلم عن فلسطين، هو جاب الحكاية من الأول خالص أرجوكم تشوفوه، وتخلوا أولادكم يشوفوه ويشيروه".
وطلب محمود سعد من أحمد الغندور تقديم محتواه بلغة أجنبية، قائلا: “وأحب يا أحمد وأنا عارف أنك خريج جامعة أمريكية، أنك تعمل المحتوى بطريقتك دي بلغة تانية، لأن طريقتك دي تعمل شغل برا، وتخليه مختصر شوية، ويا ريت كل الناس اللي عندهم مهارات ويقدورا يوصلوا للشباب يعملوا الحكاية دي زي أحمد أمين مثلا”.
اقرأ أيضا:ديسمبر المقبل .. طرح فيلم "شماريخ" لآسر ياسين بدور العرض
