مؤلف صوت وصورة يكشف كواليس المسلسل قبل ساعات من إذاعة الحلقة الأخيرة

أعرب محمد سليمان عبد المالك مؤلف مسلسل صوت وصورة، عن سعادته البالغة بالنجاح الكبير الذي حققه العمل منذ عرضه، وذلك قبل ساعات من عرض الحلقة الأخيرة للمسلسل.

وكتب محمد سليمان عبد المالك عبر صفحته الشخصية على موقع التواصل الاجتماعي، فيسبوك:  “النهاردة الحلقة الأخيرة على watch it، وهنعرف كلنا مين اللي قتل عصام الصياد، المهمة مكانتش سهلة أبدا،  واللي اتحقق كان شبه مستحيل، إزاي ممكن تغير قواعد اللعبة وتعمل مسلسل متصنف أنه خارج الموسم (أوف سيزون) بنفس جودة، وتأثير مسلسلات رمضان في ظل اختلاف الميزانيات ومحدودية الإمكانيات، أو بمعنى آخر إزاي ممكن تصنع رمضانك الخاص؟”.

وأضاف: “إزاي في عصر الفيديوهات القصيرة والـريلز ومسلسلات الـ3 والـ7 والـ10 حلقات والـ15 حلقة، ممكن تصنع دراما من 30 حلقة، تحافظ فيها على المشاهدين اللي بيملوا بسرعة معاك لحد آخر حلقة، وتتغلب على عاداتهم في المشاهدة السريعة التيك أواي حتى وهما متضايقين؟.. إزاي يتعرض المسلسل وسط أحداث سياسية إقليمية صعبة  وتقيلة على القلب والروح، وما يمرش مرور الكرام ولا كأنه اتعرض ولا حد حس بيه؟”.

وأضاف: "إزاي تقدم مخرج فنان مجتهد طموح زي محمود عبد التواب (توبة) في عمله المصري الأول، مع فريق عمل متميز من نجوم مهمين ووجوه جديدة وتبقى واثق فيه وتراهن عليه؟ إزاي يكون العمل ده نقطة مهمة ومصيرية في مسيرة كل الفنانين، اللي شاركوا فيه سواء قدام أو خلف الكاميرا، وكلهم مواهب كبيرة ومهمة ومحفورة جوة القلب». 

وتابع: “ده اللي حصل في مسلسل صوت وصورة،  أقدر النهاردة وبنهاية عرضه أقول إننا كسبنا الرهان، وإن كل المشاركين في العمل صدقوه وحبوه علشان كدا وصل للناس، الصدق بيوصل، دايمًا، والنجاح محدش بيقدر يخبيه أبدًا، وطبيعي يكون فيه سلبيات وعيوب لأن الكمال لله وحده، لكن المحصلة النهائية فاقت كل التوقعات، بشكر كل اللي تابعونا وتحملونا، والحمد لله رب العالمين”.

اقرأ أيضا:في عيد ميلاد قيصر العقد النفسية.. أبرز الأدوار المركبة التي قدمها محي إسماعيل