شيرين: قناعاتي بعيدة عن عمليات التجميل ومش هكدب على الناس

حلت الفنانة شيرين ضيفا على برنامج “قعدة ستات”، وتحدثت عن بعض التفاصيل والموضوعات الخاصة.

وأكدت شيرين أنها ترفض إجراء أي عملية تجميل، وأنها لا تخفي شيئا أبدا عن جمهورها.

وقالت الفنانة شيرين: "أنا مهما عملت عشان أبقى حلوة، أو أجمل في نفسي، مش ممكن أبدا هيوصل أي بشر أنه يكون أحسن من خلقة  ربنا".

وأضافت: “ممكن أجي أكبر خدودي شوية يقفلوا  عينيا، ممكن أجي أشد وشي حواجبي تترفع يبقى شكلي شيطاني، الخطوط في الوش دي عمر وسنين ، كل واحد بيبقى عنده قناعة، أنا قناعتي بعيدة عن الموضوع ده”.

وأكملت شيرين متحدثة عن إعلانها عن  عمرها الحقيقي في أي لقاء لها: "أنا مش هيفضل شكلي زي زمان، ناس بتنتقدني  عشان  بقول سني الحقيقي طيب لو ماقولتوش، ما مسرحية "المتزوجون" متصورة من سنة 1979 يعني حاجة وأربعين سنة وأنا قدامهم بحسبة بسيطة جدا هيقولوا دي ست كدابة، وليه أكدب عشان إيه أنا راضية جدا".

اقرأ أيضا:في عيد ميلاد قيصر العقد النفسية.. أبرز الأدوار المركبة التي قدمها محي إسماعيل