رامي جمال: عندي مشكلة في الإنجاب وقولت لمراتي مش هتبقي قليلة الأصل لو مشيتي
كشف المطرب والملحن رامي جمال، لأول مرة عن معاناته من مشكلة تتعلق بالإنجاب، قائلا: "أنا اكتشفت إني عندي مشكلة في الخلقة وكنت أتمنى إنجاب طفل".
قال رامي جمال خلال لقاءه في برنامج "حبر سري": "أنا بعتبر ولاد صحابي ولادي وأولاد أخواتي هما أولادي وبحبهم من قلبه، وزوجتي لا تعانى من عدم الخلفة، وقولتلها لو مشيتي عمري ما هشوفك قليلة الأصل إحنا بنعيش مرة واحدة وده حقك".
تصريحات رامي جمال عن الإنجاب
وأضاف رامي: "كنت خايف على ناريمان مراتي إنها تحس بالأذى من عدم الإنجاب، لأن غريزة الأمومة دي في كل بنت، بس هى قالتلي كل حاجة في الدنيا بتبقى رزق لشخص واحد إلا الخلفة بتبقى لإثنين، وأنا لو هخلف هيكون منك انت، أنا ممكن أروح أتجوز واحد تاني ومخلفش برضو بس هكون خسرت شخص بحبه".
وتابع: "إنجاب طفل هو حلم بسيط جدًا وبفكر إني كان ممكن أخلف ويطلع فيه عيب أو يحصله حاجة قدامي، وأنا الحمد لله راضي جدًا بكل حاجة وربنا رضاني كتير، أنا بس اللي بفكر فيه إن يكون الموضوع ده مسبب أذى للناس اللي حواليا مراتي أو أهلي لإن أنا مش متضايق ومش عايزهم يكونوا متضايقين".
