طارق عبد العزيز في آخر لقاء له: عندي مشكلة صحية من سنين

عرض الإعلامي عمرو الليثي، اللقاء الأخير للفنان الراحل طارق عبد العزيز، وتحدث من خلاله عن تفاصيل خضوعه لعملية قلب مفتوح.

 كما تحدث عن رفضه لعدد من الأعمال بسبب عدم مناسبتها لمبادئه وقيمه الأخلاقية.

آخر ما قال طارق عبد العزيز

وقال طارق عبد العزيز في آخر لقاء له قبل وفاته ببرنامج، “واحد من الناس”: "أنا كنت حاسس إني عندي مشكلة من سنين، وكان دايمًا عندي هاجس هل ممكن أقابل دكتور من الناس الطيبين، ولا دكتور يمرمط العيان على اعتبار أنه مشهور، وكنت خايف جدًا”.

وتابع: "فجأة روحت المستشفى ودكتور صديقنا استقبلني وقالي وشك مش عاجبني، وعملت شوية تحاليل وقالوا قدامك حاجة من اثنين، إما نحجزك عندنا، أو تشوف عايز تتحجز فين، ونبعت معاك عربية إسعاف، لإنهم لقوا عندي انسداد فوق 90%، وكل الدكاترة قالوا لازم عملية قلب مفتوح".

وأضاف طارق عبد العزيز: "ربنا أكرمي بمحمد رياض ودكتور صديقه عرفني مميزات عملية الدعامات بدون ذكر عيوب عملية القلب المفتوح، وعرفت أنه بيعملها في انسدادات 100% وله طريقة وتلاميذ، ووقعت على إقرار لكن كنت مطمئن جدا لكلامه، دا دكتور فنان، أولا كان في مزيكا لطيفة، وأثناء العملية كان بيسلم على الدكاترة ويكلمني، كأني مع قرايبي مش في عملية، والعملية استغرقت ساعتين بعدها وقفني على رجلي".

وأكد الفنان طارق عبد العزيز، أنه لم يقدم أي تنازلات في الوسط الفني، وقال: “أستاذ عادل إمام كلمني علشان شغل وكنت متضايق جدًّا ساعتها لأني مش محقق حاجة، وكنت قاعد سنتين من غير تمثيل، اشتغلت في خلال السنتين موظف ومشروعي باظ، وكان بيجي لي شغل بس برفض علشان ما اتنازلش عن مبادئي”.

وكشف طارق عبد العزيز، عن رفضه عملًا بسبب إساءته للأزهر الشريف، قائلًا: "أرفض تقديم أي عمل يمس الأخلاق العامة والشرف، وكان جاي لي مسلسل فيه شخصية شيخ أزهري بيحب راقصة رفضته لأني هيسيء للشيخ الأزهري".

اقرأ أيضا:نهال عنبر من جنازة طارق عبد العزيز: فقدنا صديقا غاليا