بعد غياب.. فرقة وسط البلد تفاجئ جمهورها بأغنية ع الوعد (فيديو)

عادت فرقة وسط البلد بعد غياب طويل، بأغنيتهم الجديدة "ع الوعد" بطريقة الفيديو كليب، والتي تم طرحه عبر قناتهم على موقع "يوتيوب" وجميع المنصات الموسيقية ومحطات الراديو. 

عادت فرقة وسط البلد بأغنية "ع الوعد" بموسيقى مختلفة لتليق بحميع الأزواق، وقد ظهر جميع أعضاء الفرقة معًا بعد غياب، والأغنية من ألحان الفرقة، وكلمات الشاعرة أمار مصطفى، وإخراج عبد المنعم محمد على، والكليب بسيط ظهرت فيه الفرقة وهم فى حالة من السعادة ويتفاعلون مع الرقصات، كما تعاونوا ولأول مرة مع شركة "جاما ميوزيك" للمنتج محمد جابر.

وتقول كلمات أغنية "ع الوعد":

ماسكة اديه.. وعنيها في عينيه
بتطمنه بكلام بيقويه وتوعده
سوا يكبروا ماهو ليها وهى ليه
مهما الكون دار حواليها وحواليه
ينادي عليها
تجري دنيتها بيها
واللي كان بس ليها يتوه عن عنيها وتبعده
ومهما بتنسى
هو ع الوعد لسة
مهما تكون بعيدة شايفها ومستنيها
صوته الضعيف الهادي
من جوا منها ينادي
كل اللي حلمت بيه وياه .. لسة مادد ايديه
يا هل ترى سمعاه.
يا هل ترى فكراه
جواها مش شايفاه وبتدورعنيها عليه
ينادي عليها
تجري دنيتها بيها
واللي كان بس ليها يتوه عن عنيها وتبعد
ومهما بتنسى
هو ع الوعد لسة
مهما تكون بعيدة شايفها ومستنيها
اتاري هى كمان
كل اما عينها تنام
يرسملها ضحكة
ويلون الأيام
يرسملها ضحكة
ويلون الأيام
ينادي عليها
تجري دنيت-ها بيها
واللي كان بس ليها يتوه عن عنيها وتبعد
ومهما بتنسى
هو ع الوعد لسة
مهما تكون بعيدة شايفها ومستنيها
هو ع الوعد لسة
مهما تكون بعيدة شايفها ومستنيها