غادة عبد الرازق: الراجل مبيحبش الست القوية وشيلت فكرة الجواز من دماغي

كشفت الفنانة غادة عبد الرازق عن رأيها في الزواج، وأوضحت أن الرجل المصري لا يستوعب فكرة المرأة القوية والناجحة.

وقالت غادة عبد الرازق خلال تصريحات تلفزيونية: "عقلية الراجل المصري صعب تستوعب الشخصية القوية زيي، الراجل مبيحبش الست تبقى أقوى أو أنجح منه، واللي قابلتهم  في حياتي العاطفية كان الراجل بيدوس على كرامة الست لو ناجحة، والأمان في أقرب الناس ليا مش في شريك الحياة، وشيلت فكرة الجواز من دماغي".

غادة عبد الرازق: فيلم عمر حرب كان جريء جدا

أما عن شخصيتها في فيلم الريس عمر حرب، أضافت غادة عبد الرازق: “الفيلم ده من أكتر الأفلام اللي بحبها جدًا، لأنه كان فيلم جرئ جدًا وقصته غريبة، أنا حبيت الدور أوي كان مركب وغريب وجديد عليا،  وماكنتش عارفة إزاي  هلعبه  ومن من أي جهة، وبعد الفيلم ما اتعرض كل الناس كانت متخيلة أن الشخصية مرسومة كده، ولكن أنا اللي رسمت الشخصية”.

إقرأ أيضا:بكلمات مؤثرة.. نجل طارق عبد العزيز يوجه رسالة لوالده