دعاء فاروق: جوزي سي السيد وكنت بعيطله عشان أروح حفلات القنوات

حلت الإعلامية دعاء فاروق وزوجها عماد مختار ضيوفا ببرنامج “واحد من الناس”، مع الإعلامي عمرو الليثي 

وتحدثت دعاء فاروق خلال الحلقة عن الكثير من تفاصيل حياتها الشخصية، وعلاقتها بزوجها.

وقالت دعاء فاروق"جوزي سي السيد، وكنا بنعاني في جوازنا، لأني في بداية جوازي كنت ست عندية وبتكلم وبتناقش لكن هو فيه حاجات عنده مفيش فيها نقاش،  ودي حاجة ما كنتش فاهماها أوي وقتها،   وهو كان عاوزني أقول حاضر وبس و من غير نقاش وفضلنا كتير علشان نتعود  على بعض".

ورد عليها زوجها عماد مختارقائلا"  دي حقيقة في حاجات ممكن ناخد وندي فيها ونتناقش وفيه حاجات مينفعش فيها نقاش،  وهي بتكون عارفة أنها مفيهاش مناقشة وبتتكلم فيها، زي أن حد يعزمنا قبل الميعاد بيوم وده بالنسبة لي عدم تقدير،  واحنا اتجوزنا بسرعة ملحقتش أعرف صحابها ولا طبيعة  عملها وأنا راجل شرقي".

دعاء فاروق:

كما كشفت الإعلامية دعاء فاروق عن فرق العمر بينها وبين زوجها وقالت" أنا أكبر من جوزي بست شهور،  وسبب رئيسي أني اوافق اتجوزه أن مامته طيبة جدا،  ولما سألت مامته في البداية هو مواليد كام، قالت لي 1974، قلت لها ده أصغر مني قالت لي مش باين خالص عليكي".

وأستكملت" زمان كنت أعيط له علشان أروح حفلات القنوات و أقوله تعالى معايا ما يوافقش أقول له أروح لوحدي يرفض،  والحاجات دي ممكن تخرب بيوت ولكن احنا تخطيناها، وكبرنا وعقلنا، ودلوقتي لو فيه حاجة كده هيقول مفيش مشكلة روحي لأننا عشرة عشرين سنة وعارف  أنا إيه لكن في الأول كان قلقان عليا".

إقرأ أيضا:تحية خاصة لـ أشرف عبد الغفور في مهرجان الجونة السينمائي