حمدي بتشان: غنيت الأساتوك علشان آخد فلوسي

حل الفنان حمدى بتشان برفقة باقى صناع أغنية سطلانة، "محمود الليثى، عبد الباسط حمودة، حسن الخلعى"، ضيوف فى برنامج صاحبة السعادة مع الإعلامية إسعاد يونس، للحديث عن نجاح الأغنية.

وكشف الفنان حمدى بتشان كواليس  بدايته الفنية، وكواليس آخر أغانيه وهى أغنية " الأساتوك"، قائلًا: "في البداية اتفق معايا منتج إننا نعمل شريط، وأنا كنت محضر 8 أغنيات أصلا، وقال هنسجلهم أنا كنت سافرت تونس في حفل، ورجعت لقيت مطرب تاني غنى الشريط". 

واستكمل حديثه عن كواليس أغنيته الشهيرة "الأساتوك": "من بعد الموضوع ده عملت شريط الأساتوك، وكنت رافض أغنياتها في الأول، لأني بغني مواويل والأغنية دي المهندس عمر فودة عاوزني أتخانق مش أغني، لأنه واحد عاكس واحدة، والمنتج قال لي لو غنيتها هاديك باقي فلوسك، فاضطريت أغنيها، وسبحان الله الأغنية دي لففتني الدنيا كلها". 

أغنية سطلانة 

كما صرح الفنان حمدى بتشان، عن كواليس عرض أغنية سطلانة عليه ورد فعله على نجاحها، معلقًا: "لما قالولي على الأغنية ما اتأخرتش لحظة، العمل جماعي 4 مغنيين في غنوة في فيلم، وكل واحد فينا اجتهد وعمل اللي عليه، وربنا كلل مجهودنا بالنجاح، وإن اللاعب طاهر محمد طاهر قرر يحطها في الكاسيت ويشغلها، وكل الناس تغنيها ده لأن أي شغل في الدنيا جواه حب بيصنع معجزات، عمرنا ما بنفكر إن أي أغنية هتفرقع وتكسر الدنيا".