محمود العسيلي: الحفلات شغلنا وهنتبرع بجزء من الإيرادات لصالح غزة

تحدث الفنان محمود العسيلي عن رأيه في مطالبة البعض بإلغاء الحفلات والأنشطة الفنية، خلال الفترة الحالية، تضامنا مع أحداث غزة، وأكد العسيلي أن الحفلات هي عمله كفنان، ومالوش علاقة بأي شيء آخر.

وقال محمود العسيلي، في تصريحات تلفزيونية: "سخونة الأحداث في البداية كانت ممكن تلغي حفلات في الأول لمدة شهر واتنين ولكن بعد كدة مش هينفع تلغي وده أكل عيشنا وفي ناس مسئولة مننا".

وأضاف محمود العسيلي: “الغناء والحفلات جزء من شغلنا وفيه فرحة  واحتفال ولكن هو مثل أي عمل  آخر، الحياة لازم تستمر وممكن  نفكر نتبرع بجزء من الحفلات  لغزة أو الهلال الأحمر وده اللي هنعمله في حفلات شهر فبراير هنتبرع بجزء كبير لصالح أهالي  غزة، في الأول الوضع كان صعب وهو لسة صعب لكن الحياة لازم تستمر ولازم نشتغل”.

وتتبع: "الإنسان لازم يساعد بشكل إيجابي مش شعارات وبس ، ولازم يكون في حاجة مفيدة  لأن الناس اللي بتهاجم بتروح شغلها، وفي ناس مسئولين معهم عائلات، والمساعدة تكون بحاجة إيجابية، و السوشيال ميديا كارثة من كوارث الزمن وممكن تنهي أي شخص".

اقرأ أيضا:طارق الشناوي: الدورة الاستثنائية من مهرجان الجونة قدمت المطلوب لدعم فلسطين