شريف منير: غيرنا في الدراما للإبقاء على مشاهد طارق عبد العزيز

كشف الفنان شريف منير عن قرار صناع عمل مسلسل “ وبقينا اتنين” للإبقاء على مشاهد الفنان الراحل طارق عبد العزيز، مشيرا إلا أنه تم إيجاد حل درامي لحل الأزمة.

وقال شريف منير في لقاء مع et بالعربي "قررنا  منجبش حد يعمل المشاهد  اللي عملها طارق عبد العزيز ، وعز علينا إنه ميبقاش موجود معانا في المسلسل، قدرنا نغير في الدراما بحيث أن حد هيكمل، هو كان بيقدم دور صديقي وأوجدنا طرف تالت، صديق تالت يكمل معايا الأحداث لكن مكنش ينفع ميبقاش موجود".

وروى شريف منير عن يوم وفاة الفنان  طارق عبد العزيز وقال "طارق في اليوم ده كان نشيط جدا  ومقبل على الحياةو دمه كان خفيف  كعادته وبيهزر مع الكل، عملنا مع بعض مشهد وكان عظيم، وبعدين بدأنا نجهز للمشهد التاني، كان مشهد فرق ما بين الحياة والموت 3 أو 4 خطوات،  هو كان واقف مستعد ورا الكاميرا وأنا كمان ورا الكاميرا وبيني وبينه 4 خطوات والمفروض يدخل  ويقول كلامه وأنا بدخل وراه أقول جملتين، عملنا بروفه وصورنا أول مرة ولما أستاذ طارق رفعت طلب إعادة المشهد وقفنا مكانا وقال أكشن، طارق اتجه ناحيتي وبعد 4 خطوات نفذ السر الإلهي".

اقرأ أيضا:إيرادات عالية لـ فيلم شماريخ بعد أسبوعين فقط من طرحه بالسينمات