عمر طاهر: حبيبي الأولاني أول أغنية اكتبها والڤيديو بيوصل المعاني للجمهور أفضل
حل المؤلف عمر طاهر ضيفا ببرنامج “ مكلمخانة” مع الإعلامية عايدة سعودي، عبر راديو إنرچي (92.1)، وكشف خلال اللقاء عن تفاصيل أول أغنية كتبها.
وقال عمر طاهر: “كانت أول أغنية كتبتها في حياتي، أغنية حبيبي الأولاني، وكان بقالي 7 سنين بكتب ومحدش بيشتري مني، وقررت إني هقفل الموضوع ده، وقعدت مع ناس صحابي بالصدفة وجه رامي صبري وقال معايا لحن وعاوز حد يكتب له أغنية وقعدت كتبتها في 5 دقائق”.
وأوضح عمر طاهر عن قراره مؤخرًا بتسجيل مقالاته بتقنية الفيديو وأضاف: “ الفيديو على السوشيال ميديا بقى الوسيلة اللي بتوصل للجمهور أفضل وأسرع من المقال المكتوب ومشاهداته أكبر، المقال الفيديو فتح الباب لأعداد أكبر من القراء والمشاهدين، وأصبحت أفكاري بتوصل لشريحة أكبر وفي جمهور جديد كان أول مرة يعرفني ويشوفني وأنا بقالي 20 سنة بشتغل”.
عمر طاهر يدعم القضية الفلسطينية
وتطرق عمر طاهر للحديث عن الأحداث الجارية في فلسطين وقطاع غزة والقصف الإسرائيلي المستمر على القطاع وقال طاهر: “ ما حدث على قد ماهو حاجة صعبة جدا إلا أنه سلم الملف لجيل جديد مكانش يعرف حاجة عن القضية”.
واستكمل عمر طاهر حديثه قائلًا: “العيال الصغيرة بقت عارفة هتقاطع إيه، ومش هتشتري إيه، الكلام ده حصل بطريقة مذهلة، والأطفال اللي طالعين بقوا فاهمين فكرة إن الطفل يهمش احتياجاته ومصدر متعة عنده دي معجزة”.
اقرأ أيضا:مريم الخشت تكشف كواليس حياتها الأسرية مع «صاحبة السعادة»
