محمد فؤاد: "هنيدي مش صاحبي وعمرنا ما اتكلمنا مع بعض"
حل الفنان محمد فؤاد ضيفا ببرنامج “كلام الناس” مع الإعلامية ياسمين عز، وتحدث خلال اللقاء عن علاقته بالفنان محمد هنيدي.
وقال محمد فؤاد: “ محمد هنيدي كان يشرفني أنه يكون صاحبي، لكنه مش صاحبي، هنيدي شلته غيري خالص، وعمرنا ما تكلمنا مع بعض، محصلش بعيدًا عن الفيلم إني رحت له أو هو جالي، الجمهور اقتنع بأننا أصدقاء بسبب فيلم ”إسماعيلية رايح جاي"، بسبب ما ظهر على الشاشة من علاقة ود واحترام بيننا".
وأضاف فؤاد: “محمد هنيدي كان عايز يحط اسمه على تتر الفيلم بعد اسمي، وانا رفضت لوجود بطلة نسائية في العمل،كنت بصحيه من النوم عشان يجي التصوير، وكان يمشي يقول إن فيلم (إسماعيلية رايح جاي)، هيفشل ودا محصلش الحمدلله وحقق نجاح كبير، وأنا اللي صممت بوستر الفيلم بإيدي وحطيته قبل مني، يجي هو ويطلع يقول كلام ملوش لازمة في البرامج”.
ونفى محمد فؤاد رفضه لإحياء حفل زفاف هنيدي بسبب الخلاف بينهما، قائلا: "والله ما حصل، هو معزمنيش على الفرح ولا أنا عرضت إني أروحله".
اقرأ أيضا:مريم الخشت تكشف كواليس حياتها الأسرية مع «صاحبة السعادة»
