منى فاروق تستغيث: أبوس إيديكم عايزة اشتغل أنا غلطت وربنا بيسامح
![منى فاروق](/UploadCache/libfiles/0/3/600x338o/390.jpg)
استغاثت الفنانة منى فاروق بالدكتور أشرف زكي نقيب المهن التمثيلية وأشرف عبد الباقي لمساعدتها لإيجاد عمل، مشيرة إلى أنها وصلت إلى مرحلة عدم القدرة على دفع إيجار بيتها.
كتبت منى فاروق عبر صفحتها على "انستجرام": "الكلام اللي بقوله ده خارج خالص عن فكرة إني أخد الترند وأعمل زي أى حد أنا قولت اعتزال الفن لسبب واحد بس هو ده مصدر رزقي الوحيد اللي أنا بحبه وعاوزة اشتغله، لكن لما أوصل لمرحلة إني مش عارفة أدفع إيجار بيتي دي حاجة تتعب، أنا محتاجة اشتغل عشان أعيش زي أي بني آدمة طبيعية، أنا غلطت وربنا بيسامح، ليه البني آدمين مش عاوزين يسامحوا".
![](/Upload/libfiles/0/3/389.png)
منى فاروق تطلب المساعدة
وأضافت منى فاروق: "أنا بسمع بودني لا بلاش منى عشان الفيلم والدعاية متضرش العمل أو المسلسل، ليه يا ربي أنا بقيت منبوذة من كل الناس أنا مش طالبة غير اشتغل في الحاجة اللي بحبها عشان أعرف أعيش، المجتمع حاططني في المكان الوحش بس مش يمكن عاوزة أبقى كويسة زي أي واحدة ليه بتقفلوه قدامي في كل حاجة".
واختتمت منى فاروق حديثها: "عشان كده أنا بناشد الدكتور أشرف زكي والأستاذ أشرف عبد الباقي وشركات الإنتاج محتاجة الشغل، عاوزة أعرف أعيش ولما قولت قرار اعتزال من أجل لو حد شافني بشتغل في محل لبس أو أي شغل ميقولش إيه ده، والله مش طالبة غير أشتغل، أبوس إيديكم عاوزة أشتغل".